Jarðarberjasulta

Ferskar og heilnæmar — í einu orði sagt, náttúrulegar. Sulturnar okkar innihalda hvorki matarliti, aukefni, rotvarnarefni né pektín og eru gerðar af djúpri virðingu fyrir hefðinni en um leið með nýjungar samtímans að leiðarljósi. Þær eru unnar eftir gamalgrónum uppskriftum með nútímatækni og varðveita náttúrulegan sykur og fullt bragð ávaxtanna — því bragð og gæði eru tvær hliðar á sama peningi, og þegar kemur að sultunum okkar er sá peningur úr gulli. Með mildri lofttæmissuðu við sjötíu gráður og gerilsneyðingu í kjölfarið varðveitast allir eiginleikar ávaxtanna — svo þú getir notið þeirra skeið fyrir skeið, hvenær sem er.

Í grískri goðafræði blekkti Ares Adonis og drap hann af afbrýðisemi vegna þess að Afródíta var ástfangin af Adonis. Þar sem Afródíta grét glataða ást sína spruttu upp fagrar plöntur sem báru ávexti í laginu eins og skærrautt hjarta. Frá fornu fari hafa jarðarber verið tákn ástríðu og jarðarberjasultan okkar heiðrar þá hefð. 

Við erum nokkuð viss um að hún muni heilla þig upp úr skónum. Þú getur notið hennar beint af skeiðinni eða látið hugmyndaflugið ráða við að skapa nýjar uppskriftir. Hún er tilvalin til að fagna sérstökum stundum en líka til að bæta örlítilli rómantík við hversdaginn.